لماذا نشجع انديتنا المفضله - ارجو المشاركه

--------------------------------------------------------------------------------


قد يدور في ذهن البعض سؤال لماذا نشجع الانديه الرياضيه ؟ وفي ناس تقول يعني اذا شجعت فريقك بيعطونك فلوس طبعا الموضوع ماهو موضوع مادي لان التشجيع للانديه عامل قوي ومؤثر في تنمية وتقوية مشاعر الانتماء ويبدأ الانتماء من البيت للحاره للمدرسه للمدينه للعمل للحزب للبلد للمبادئ للاخلاق للافكار وماننسى ( المذهب والدين اولا واخيرا) وليه الرياضه بالذات هي اللي تنمي الانتماء وذلك لان الرياضه فيها الفوز والخساره والتعادل متكرر دائما او بمعنى آخر روح المنافسه مفتوحة المجال ولا تخضع للبيروقراطيه والرياضه ما هي بس كوره - الاطفال يتسابقون في الجري مثلا مثل ما يتسابق الشباب في الفروسيه والرمايه والسباحه وكبار السن يحبون يشوفون المصارعه ويشجعون المصارعين على اختلافهم نرجع لموضوعنا كذلك التشجيع الرياضي ينمي الطموح وينمي ثقة الانتصارفي النفس وروح المبادره والتعاون حتى في بعض الحملات التوعويه او الخيريه في دول الغرب يتم اللجؤ عادة لنجوم الرياضه بسبب تأثيرهم الايجابي على الناس طبعا كانت بدايتي في منتدى الرياضه بمشاركات بسيطه قد يرى قصيري النظر وجود فيها نوع من التفاهة لكنها كانت مهمه لقياس مستوى الميول والتجاوب وكنت اقصد منها الاستفزاز الايجابي لااكثر ولااقل خصوصا وان منتدى الرياضه يفترض ان يكون به اكثر المرتادين واكثر المواضيع من اي منتدى آخر وشريحة الشباب في اسرتنا الكريمه هي الشريحه الاكبر وهذا زمن الذروه بالنسبه لهم في ممارسة الرياضه والانتماء لما اجلس في المجالس اشوف واسمع الشباب يتكلمون بحماس في الانديه وتشجيعهم لها طيب بدل ماتتكلمون ياشباب في المجالس اكتبوا في المنتدى وكل واحد يوضح انتمائه وافكاره والا هي بس لطلطة مجالس لا ويلعبون بلاي ستيشن ( كرة قدم ) وعلى فكره الهلال والاتحاد والاهلي والشباب وهجر والاتفاق كلها انديه عريقه ولها تاريخ وانجازات واحنا نشجع الفرق مش علشان تحقيق البطولات حنا نشجع كيان وممكن ناخذ التشجيع من باب التسليه يعني مثلا الواحد زهقان يوم الجمعه وصارت مباراه لفريقه وجلس يتابعها في التلفزيون وفاز فريقه تلقاه اولا وقت المباراه اخذ منه ساعتين قتل فيها الملل والثاني تغيرت نفسيته بسبب الفوز وانا اتمنى من ادارة المنتدى ان تتخذ خطوه ايجابيه حيال تشجيع الشباب على الكتابه بمنتدى الرياضه خصوصا وانهم يجتمعون مع اغلب الشباب ويتفرغون شوي للموضوع هذا الشباب الله الله يا الشباب ترى الواحد موضروري انه يكون كاتب ضليع في الكتابه اكتب وثق بنفسك وباسلوبك البسيط التلقائي ولاتستحي حتى بلهجتك الطبيعيه اكتب اللي في راسك واكتب عن فريقك وعن هواياتك وانتقد الفرق الاخرى وشارك والاكيد ان الجميع عندهم اخلاق رياضيه ومو مهم طريقة الكتابه المهم الفكره والانتماء لها واللي عنده اي اضافه اونقد او استفسار ترى على الرحب والسعه واتمنى تثبيت الموضوع لفتره كافيه حتى نجنى ثماره وامتلك الكثير من المواضيع الجميله والمفيده عن الرياضه وهزه للطرح تناسب جميع الاعمار
ولكم تحياتي.